Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 24. apríl 2017 15:30
Magnús Már Einarsson
Draumaliðsdeild Azazo - Edda Sif velur sitt lið
Hér er lið Eddu.  Smelltu á myndina til að sjá hana stærri.
Hér er lið Eddu. Smelltu á myndina til að sjá hana stærri.
Mynd: Draumaliðsdeild Azazo
Edda Sif Pálsdóttir.
Edda Sif Pálsdóttir.
Mynd: Úr einkasafni
Skráning er í fullum gangi í Draumaliðsdeild Fótbolta.net og Azazo. Keppni í Pepsi-deild kvenna hefst á fimmtudag og hægt er að búa til lið fram að þeim tíma.

Smelltu hér til að taka þátt í leiknum!

Edda Sif Pálsdóttir, íþróttafréttakona á RÚV, hefur skilað inn sínu liði.

„Ég var fáránlega lengi að setja þetta lið saman og þurfti að setja tilfinningarök og fleira til hliðar til að komast að þessari vönduðu niðurstöðu," sagði Edda þegar hún skilaði liðinu eftir langa umhugsun.

Markið:
Sandra mun fá á sig fæst mörk í sumar þrátt fyrir að spila hvern einasta leik og þess vegna er hún í markinu hjá mér. Svo er hún líka bara sjúklega skemmtileg.

Vörnin:
Sandra og Fjolla: Ég treysti Blikum fyrir vörninni minni þetta árið. Breiðablik fékk bara á sig átta mörk allt sumarið í fyrra, fæst allra liða og það er mikil reynsla í þeim stöllum Söndru og Fjollu.
Arna Sif: Það er gott að hafa landsliðskonu í vörninni líka og þú ferð ekkert svo glatt framhjá nöfnu minnu og vinkonu að norðan.

Miðjan:
Andrea Mist: Hef trú á að hún verði solid á miðjunni í sumar og komi að slatta af mörkum.
Fanndís: Ég legg mikla ábyrgð á herðar eyjakonunnar í ár. Ég treysti því að hún stýri spilinu á miðjunni af mikilli röggsemi og skori fullt af mörkum. Hún er auk þess minn fyrirliði. Ég tjúllast ef hún skilar mér ekki skrilljón stigum. Fanndís!!
Sísí Lára: Þetta er feikilega vönduð miðja eins og þið sjáið. Sísí Lára er hógværasti leikmaður landsins en stefnir í að verða einn sá allra besti.
Karólína: Ungur og efnilegur leikmaður sem ég hef trú á að sanni sig vel í sumar.

Sóknin:
Guðmunda Brynja: Hefur það eina markmið að skora öll þau mörk sem Harpa Þorsteinsdóttir hefði gert í upphafi sumars og mun gera það. Engin pressa samt.
Elín Metta: Hefur verið geggjuð í vetur, vex með hverjum deginum og mun raða inn mörkunum fyrir Val í sumar.
Sigríður María: Bakkar hinar tvær upp ef þær klikka. Lauma sem ég held að gæti komið á óvart.

Sjá einnig:
Draumaliðsdeild Azazo - Hallbera velur sitt lið
Draumaliðsdeild Azazo - Dagný velur sitt lið
Athugasemdir
banner
banner