Yaya Toure, miðjumanni Manchester City, var ekki skemmt yfir dómgæslunni í 2-1 tapi liðsins gegn Arsenal í undanúrslitum enska bikarsins í gær.
Mark var dæmt af Sergio Aguero í fyrri hálfleiknum en endursýningar sýna að það hefði átt að standa. Arsenal hafði síðan betur í framlengingu.
Mark var dæmt af Sergio Aguero í fyrri hálfleiknum en endursýningar sýna að það hefði átt að standa. Arsenal hafði síðan betur í framlengingu.
„Dómarar verða að hætta þessu. Ég er mjög vonsvikinn. Þetta er ekki í fyrsta skipti. Þetta hefur gerst nokkrum sinnum," sagði Toure.
Manchester City mætir nágrönnum sínum í Manchester United í gífurlega mikilvægum leik á fimmtudaginn.
„Kannski fáum við betri dómara á fimmtudaginn eða spilum án dómara. Ég myndi frekar vilja það," sagði Toure brjálaður.
Athugasemdir