Þór/KA er sigurvegari í Lengjubikar kvenna eftir að hafa lagt Stjörnuna að velli í frábærum knattspyrnuleik.

Liðin mættust í Boganum á Akureyri í kvöld. Stjarnan byrjaði miklu betur og komst í 2-0, en bæði mörkin komu eftir markvarðarmistök hjá Þór/KA. Eftir fyrra markið þurfti Helena Jónsdóttir, markvörður Akureyrarliðsins, að fara meidd af velli.

Þór/KA gafst ekki upp og minnkaði borgarstjórinn, Sandra Mayor, muninn úr vítaspyrnu eftir hálftíma leik.

Staðan var 2-1 fyrir Stjörnuna í hálfleik. Þór/KA byrjaði seinni hálfleikinn betur en um miðjan hann virtist möguleikinn fara þegar Bianca Sierra fékk rauða spjaldið fyrir tuð í dómaranum. En, þrátt fyrir að vera einum færri þá náðu Íslandsmeistararnir að jafna. Andrea Mist Pálsdóttir gerði það á 77. mínútu.

Lokatölur 2-2 og því þurfti að grípa til vítaspyrnukeppni í þessum úrslitaleik. Markadrottningin Harpa Þosteinsdóttir brenndi af fyrstu vítaspyrnu Stjörnunnar og Þór/KA skoraði úr öllum sínum. Lára Kristín Pedersen klúðraði líka fyrir Stjörnuna.

Þór/KA, sem er sem fyrr segir ríkjandi Íslandsmeistari, er því Lengjubikarsmeistari í A-deild.

Pepsi-deild kvenna byrjar 3. maí.

Sjá einnig:
Draumaliðsdeild Toyota opnuð - Skráðu þitt lið!