Sigrún hefur verið hjá ítölsku meisturunum í Fiorentina síðan í ágúst á síðasta ári. Hún hefur verið mikið á varamannabekknum á Ítalíu og hún kemur til með að spila heima í sumar.

Hin 25 ára gamla Sigrún Ella er uppalin hjá Fimleikafélaginu í Hafnarfirði, FH, en hún gekk til liðs við Stjörnuna í febrúar 2014. Hún hefur leikið 52 leiki með Garðabæjarfélaginu og skorað í þeim níu mörk. Á tíma sínum hjá Stjörnunni hefur hún unnið tvo Íslandsmeistaratitla og tvo bikarmeistaratitla.

Sigrún Ella hefur leikið tvo A-landsleiki, auk leikja bæði fyrir U-19 og U-17 landslið Íslands.

Ekki er ljóst hvenær Sigrún Ella mæt­ir til leiks með Stjörn­unni, en það fer eft­ir hversu langt Fior­ent­ina fer í ít­alska bik­arn­um.

Stjarnan var að spila við Þór/KA fyrr í kvöld í úrslitaleik Lengjubikars kvenna. Þar var niðurstaðan tap í vítakeppni.