Föstudagstían
Á hverjum föstudegi skoðar Fótbolti.net íslenska boltann frá öðrum hliðum í dagskrárliðnum "Föstudagstían". Nú þegar Pepsi-deildin er komin á fulla siglingu skoðum við tíu leikmenn sem geta betur en þeir hafa sýnt.
Sverrir Ingi Ingason (Breiðablik) - Frábær í fyrra en hingað til ekki náð að sýna það að hann sé tilbúinn að stíga næsta skref.
Jóhannes Karl Guðjónsson (ÍA) - Miklir hæfileikar sem búa í Jóa Kalla en þeir hafa ekki sprungið út. Faðir hans telur að hann sé notaður rangt.
Óskar Örn Hauksson (KR) - KR virkar óstöðvandi en Óskar Örn er ekki kominn í gírinn. Pælið í því?
Garðar Jóhannsson (Stjarnan) - Óumdeilanlega einn öflugasti leikmaður deildarinnar. En hefur verið langt frá því að ná sér á strik.
Kristinn Ingi Halldórsson (Fram) - Leikmaður sem hefur verið stigvaxandi undanfarin ár. Við erum samt sanngjarnir og vitum að meiðsli eiga þátt í því að hann sé á þessum lista.
Guðmundur Steinn Hafsteinnsson (Víkingur) - Var á eldi á undirbúningstímabilinu en ekki náð að sýna skuggann af þeirri frammistöðu í deildinni.
Björgólfur Takefusa (Valur) - Of góður til að vera aukaleikari í þessari deild. Þarf að rífa sig í gang.
Ármann Smári Björnsson (ÍA) - Maðurinn sem á að ráða ríkjum í Skagavörninni hefur verið langt frá sínu besta.
Sveinn Elías Jónsson (Þór) - Sýndi það 2011 að hann getur vel verið flottur leikmaður í efstu deild. Bara spurningin um að gera það.
Veigar Páll Gunnarsson (Stjarnan) - Alls ekki verið lélegur en getur svo miklu betur. Ekki staðið undir miklum væntingum.
