sun 24. maí 2015 13:04
Magnús Már Einarsson
Falcao á förum frá Man Utd - Ekki í hóp í dag
Mynd: Getty Images
Manchester United ætlar ekki að nýta sér ákvæði í lánssamningi Radamel Falcao og kaupa hann í sínar raðir í sumar. Daily Mail greinir frá þessu í dag.

Falcao hefur verið á láni frá Monaco en hann hefur ekki náð að slá í gegn á Old Trafford.

Kolumbíumaðurinn er ekki í leikmannahópi Manchester United gegn Hull í dag.

Falcao er sjálfur til í að taka á sig launalækkun til að vera áfram í ensku úrvalsdeildinni en United vill þrátt fyrir það ekki halda honum.

Framtíð Falcao er í óvissu, Juventus hefur áhuga á að fá hann á láni en Monaco vill helst losna við hann af launakrá þar sem laun hans eru mjög há.

Smelltu hér til að fara í textalýsingu frá lokaumferðinni
Athugasemdir
banner
banner
banner