Castro sem er 27 ára gamall hefur leikið allan sinn feril með Bayer Leverkusen og var í lykilhlutverki á nýliðnu tímabili.

Kaupverðið er 12 milljónir evra en Castro átti eitt ár eftir af samningi sínum við Leverkusen. Hann gerir fjögurra ára samning við Dortmund.

„Þetta var ekki auðveld ákvörðun en mig langaði í nýja áskorun. Ég hef átt frábæran tíma hjá Leverkusen og félagið verður í hjarta mínu að eilífu", sagði Castro þegar félagaskiptin voru tilkynnt.

Castro á 5 A-landsleiki fyrir heimsmeistara Þýskalands en var ekki í landsliðshópnum á HM í Brasilíu.