Örebro vann sinn annan leik í röð í sænsku úrvalsdeildinni í dag en liðið fór í gegnum fyrstu átta umferðirnar án þess að sigra leik.
Eiður Aron Sigurbjörnsson lék allan leikinn í hjarta varnarinnar hjá Örebro og nældi sér í gult spjald í 1-0 sigri á Gefle. Hjörtur Logi Valgarðsson byrjaði á bekknum og kom inná í uppbótartíma.
Nýkrýndir bikarmeistarar Gautaborg unnu góðan útisigur á botnliði Halmstad 2-1. Hjálmar Jónsson lék allan leikinn fyrir Gautarborg.
Gautaborg er í efsta sæti deildarinnar en Örebro er enn í fallsæti.
Athugasemdir