Í dag var dregið í 16 liða úrslitum Borgunarbikar kvenna. Drátturinn fór fram í höfuðstöðvum KSÍ í Laugardalnum. Öll liðin í Pepsi deildinni sem og sex lið í 1. deildinni voru með í dráttinum.

Stjarnan er núverandi bikarmeistari, eftir sigur á Selfoss í úrslitaleik í fyrra og hefur því titil að verja en liðin í úrvalsdeildinni koma inn í umferðina. Stjarnan dróst á móti grönnum sínum í FH.

Selfoss er búið að tapa úrslitaleiknum tvö ár í röð og ætla sér væntanlega skrefinu lengra í ár. Þær fengu Val sem var stærsti leikur umferðarinnar.