Árshátíð Liverpool klúbbsins á Íslandi fer fram í Kórnum í kvöld en 280 miðar eru seldir. Sami Hyypia, fyrrum fyrirliði Liverpool, er heiðursgestur á árshátíðinni að þessu sinni.
Hyypia kom inn eftir að Jamie Carragher þurfti að hætta við að koma þar sem hann er að spila með Liverpool í Ástralíu í dag.
Hyypia kom inn eftir að Jamie Carragher þurfti að hætta við að koma þar sem hann er að spila með Liverpool í Ástralíu í dag.
„Við erum alltaf með plan B ef hitt klikkar. Carragher er búinn að klikka tvisvar og þá þarf maður að treysta á finnska stálið," sagði Bragi Brynjarsson formaður Liverpool klúbbsins í samtali við Fótbolta.net í dag.
Vonir standa til að Carragher komi á árshátíð Liverpool klúbbsins í framtíðinni.
„Við erum að vinna í því. Umboðsmaður hans er að lenda í Keflavík og við ætlum að leggja inn smá punkta. Vonandi gengur það á næsta ári."
Undanfarin ár hafa leikmenn eins og Robbie Fowler, Dietmar Hamann, John Barnes, Bruce Grobbelar, Ian Rush og Neil Ruddock mætt á árshátíð Liverpool klúbbsins á Íslandi.
„Þetta er stór og flottur pakki af stjörnum sem hafa verið hérna. Það spyrst út að það er gott að koma til Íslands og vera hérna og þá er auðvelt að fá þá," sagði Bragi sem vonast til að fá fleiri stór nöfn á árshátíðirnar í framtíðinni.
„Ég er byrjaður að reyna að fá Xabi Alonso. Það er á stefnuskránni. Síðan er það kóngurinn Gerrard. Hann er búinn að lýsa yfir áhuga en vinnan er aðeins að trufla hann núna," sagði Bragi en Gerrard er þjálfari U18 ára liðs Liverpool.
Hér að ofan má sjá viðtalið við Braga í heild.
Athugasemdir