Katrín Ásbjörnsdóttir, fyrirliði Stjörnunnar, var ánægð eftir að dregið var í 16-liða úrslit Borgunarbikarsins í dag. Katrín mætir þar uppeldisfélagi sínu KR.
„Það fara á minn gamla heimavöll í Vesurbæ veitir mér blendnar tilfinningar en góðar," sagði Katrín við Fótbolta.net eftir að dregið var.
Stjarnan er með 13 stig eftir fimm umferðir í Pepsi-deild kvenna.
„Ég er ánægð með þessa byrjun. Við byggjum ofan á þetta. Við vildum vera með fullt hús stiga en við tökum Þór/KA eftir helgi," sagði Katrín.
Stjarnan mætir Þór/KA í toppslag í næstu viku en fyrst leikur liðið við FH á morgun. „Við erum að einbeita okkur fyrst að leiknum á morgun. Síðan er sex stiga leikur við Þór/KA eftir helgi," sagði Katrín sem hefur skorað í öllum leikjunum hingað til í Pepsi-deildinni.
„Ég er mjög sátt með að vera komin með sex mörk. Það veitir mér sjálfstraust. Mér líður vel og ég er í góðu formi. Ég byggi ofan á það sem ég hef gert núna," sagði Katrín að lokum.
Hér að ofan má sjá viðtalið í heild sinni.
Athugasemdir