Peter Bosz, knattspyrnustjóri Ajax, segir að úrslitaleikur Evrópudeildarinnar í kvöld hafi verið leiðinlegur.
Manchester United vann 2-0 sigur gegn Ajax í úrslitaleiknum í Stokkhólmi.
„Mér fannst þetta leiðinlegur leikur, engin færi frá báðum liðum. Við vorum ekki nægilega góðir og ég óska Manchester United til hamingju. Við munum læra miið af þessu og ef við höldum þessu liði verðum við sterkari á næsta ári," sagði Bosz.
Davy Klaassen, fyrirliði Ajax, hafði þetta að segja:
„Í dag vorum við ekki nægilega góðir. Við getum miklu betur og það er pirrandi. Á endanum voru tvö heppnis-tilfelli sem réðu úrslitum," sagði Klaassen.
Athugasemdir