Brynjar var langt í frá sáttur við vítaspyrnudóminn
ÍR-ingar heimsóttu nágranna sína í Leikni í kvöld og var niðurstaðan 3-1 tap. Brynjar Gestsson þjálfari ÍR var skiljanlega allt annað en sáttur við niðurstöðuna.
“Við byrjuðum náttúrulega af krafti – það var ekkert mikið að gerast þarna í byrjun hjá þeim” sagði Brynjar Gestsson um byrjun leiksins en svo snerist taflið sökum einstaklingsmistaka sem færðu Leiknismönnum tvo álitlega sénsa sem þeir nýttu sér til hins ýtrasta.
“Einstaklingsmistök hjá honum Nile – hann klikkar bara þarna í tvö skipti - ansi illa og þeir refsa bara þarna með tveimur mörkum. Maður ætlast bara til þess að menn skili þessu betur af sér – þetta er dýrt”
“Við byrjuðum náttúrulega af krafti – það var ekkert mikið að gerast þarna í byrjun hjá þeim” sagði Brynjar Gestsson um byrjun leiksins en svo snerist taflið sökum einstaklingsmistaka sem færðu Leiknismönnum tvo álitlega sénsa sem þeir nýttu sér til hins ýtrasta.
“Einstaklingsmistök hjá honum Nile – hann klikkar bara þarna í tvö skipti - ansi illa og þeir refsa bara þarna með tveimur mörkum. Maður ætlast bara til þess að menn skili þessu betur af sér – þetta er dýrt”
Lestu um leikinn: Leiknir R. 3 - 1 ÍR
Jafnræði var með liðunum það sem eftir lifði hálfleiks en gestirnir komu sterkir út úr hálfleiknum.
“2-0 í hálfleik og það þyrfti aðeins að peppa þetta í gang og við komum virkilega ferskir út - síðan er dæmt á okkur þarna víti sem er enginn á vellinum botnar neitt í”
“Ég veit ekki hvað hann sá – eða hvað hann sá ekki, ég hugsa að Stevie Wonder hefði dæmt betur” sagði Brynjar og var skiljanlega ekki sáttur við vítaspyrnudóminn umdeilda.
“Við vildum vera aðeins hraðari og meira direct og hefðum alveg getað gert þarna þrjú, fjögur mörk” bætti Brynjar svo við en hans menn mættu beittari út úr hálfleiknum.
“Þetta er sama sagan – við erum alltaf að spila alveg glimrandi vel í síðari hálfleik eftir að vera lentir 2-0 undir – en þú getur ekki gefið þetta forskot, þú getur það ekki” sagði Brynjar en þetta var annar leikurinn í röð sem lærisveinar hans lenda 2-0 undir.
Sökum tæknilegra mistaka er viðtalið því miður ekki í landscape og er beðist forláts á því en viðtalið í heild sinni má nálgast í spilaranum hér að ofan.
Athugasemdir
