Brynjar Björn Gunnarsson, þjálfari HK, var ánægður með góðan sigur gegn Þrótti R. í Laugardaglnum.
HK er á toppi deildarinnar með tíu stig eftir fjórar umferðir og á næst heimaleik gegn Leikni R.
HK er á toppi deildarinnar með tíu stig eftir fjórar umferðir og á næst heimaleik gegn Leikni R.
„Ég er mjög sáttur. Þetta var góður sigur, góð mörk og mjög góð spilamennska á köflum," sagði Brynjar eftir sigurinn.
„Leikurinn þróaðist þannig að við féllum aðeins til baka eftir að hafa skorað fyrsta markið. Við hefðum getað komist í 2-0 í fyrri hálfleik."
HK var í basli á vinstri vængnum í fyrri hálfleik en Brynjar sá til þess að sínir menn myndu laga það í þeim síðari.
„Við vorum í pínu vandræðum, það er rétt. Við fórum yfir það í hálfleik og mér fannst við loka vel á þá í seinni hálfleik."
Athugasemdir