Jóhann Berg Guðmundsson á æfingu Íslands í dag.
„Þetta verkefni er ansi stórt og það er mikil tilhlökkun," sagði Jóhann Berg Guðmundsson landsliðsmaður í viðtali við Fótbolta.net í dag fyrir æfingu á Laugardalsvelli.
Jóhann Berg mætti í dag á sína fyrstu æfingu fyrir HM í Rússlandi eftir gott tímabil með Burnley.
„Það gekk mjög vel hjá mér og mínu liði. Það er gaman að koma með mikið sjálfstraust og í góðu formi inni í þetta verkefni. Auðvitað vill maður vera í sínu besta standi á HM."
Jóhann Berg mætti í dag á sína fyrstu æfingu fyrir HM í Rússlandi eftir gott tímabil með Burnley.
„Það gekk mjög vel hjá mér og mínu liði. Það er gaman að koma með mikið sjálfstraust og í góðu formi inni í þetta verkefni. Auðvitað vill maður vera í sínu besta standi á HM."
Burnley kom öllum að óvörum með því að landa sæti í Evrópudeildinni í vetur. „Það voru ekki margir sem bjuggust við því. Markmið okkar var fyrst og fremst að halda sætinu í deildinni. Að ná 7. sæti er magnað afrek."
Burnley hefur leik í Evrópudeildinni í júlí en Jói verður ekki með þar.
„Ég fæ mitt frí eftir HM. Það er nauðsynlegt. Ég efast stórlega um að ég nái fyrstu leikjunum í Evrópudeildinni. Núna er ég að hugsa um HM og hitt kemur seinna," sagði Jóhann.
„Það er ótrúlegt afrek að við séum á leiðinni á HM og við þurfum að njóta þess og hafa gaman að þessu. Ég hef fulla trú á að við getum gert góða hluti þarna."
Hér að ofan má sjá viðtalið í heild sinni.
Athugasemdir
