Rúrik Gíslason var mjög ánægður þegar að HM hópur Íslands var tilkynntur á dögunum en hann er á leið með til Rússlands.
„Það er erfitt að lýsa tilfinningunni. Hún var frábær. Í ljósi þess að ég var ekki í hópnum á EM þá setti ég mér markmið um að komast sem fyrst aftur í landsliðið. Þetta er ákveðinn persónulegur sigur," sagði Rúrik við Fótbolta.net í dag.
„Það er erfitt að lýsa tilfinningunni. Hún var frábær. Í ljósi þess að ég var ekki í hópnum á EM þá setti ég mér markmið um að komast sem fyrst aftur í landsliðið. Þetta er ákveðinn persónulegur sigur," sagði Rúrik við Fótbolta.net í dag.
Rúrik fór til Dubai eftir að tímabilinu lauk í Þýskalandi. Þar æfði hann með einkaþjálfara en hann æfði með fyrrum franska landsliðsmanninum Nicolas Anelka sem var með sama einkaþjálfara.
„Það vildi þannig til að hann er með sama þjálfara og ég erm eð þarna. Við tókum eina fótboltaæfingu saman. Hann er mjög fínn náungi," sagði Rúrik um Anelka.
Rúrik spilaði með Sandhausen í Þýskalandi síðari hluta tímabils og þar er spennan að magnast fyrir HM í næsta mánuði.
„Það var mjög mikið talað um HM þar. Það voru viðtöl og svoleiðis. Fótbolti er mjög stór í Þýskalandi og það er gert mikið úr öllu. Ég hef hvergi fundið meiri áhuga."
Hverju búast Þjóðverjar við af íslenska landsliðinu á HM í Rússlandi í sumar? „Ég held að þeir búist ekki við svakalega miklu. Þeir geta verið hrokafullir. Þeir vilja að sitt lið vinni keppnina, það er alltaf krafa um það. Ísland er mjög vinsælt í Þýskalandi en mér finnst við þurfa að sanna okkur aftur fyrir þeim.">/I>
Hér að ofan má sjá viðtalið í heild sinni. VIð biðjumst afsökunar á hljoðtruflunum í byrjun.
Athugasemdir