Einn leikur fór fram í 1. deild kvenna í dag.

Það var leikur KH og Skínanda í A-riðli, en fyrrnefnda liðið vann frekar þægilegan sigur í leiknum.

Ísold Kristín Rúnarsdóttir og Eygló Þorsteinsdóttir skoruðu tvö mörk með tíu mínútna millibili snemma í fyrri hálfleik.

Staðan í hálfleik var 2-0 og undir blálokin kom þriðja markið. Það skoraði Hildur Karítas Gunnarsdóttir og lokatölur 3-0.

Í riðlinum er KH núna í 4. sæti með sex stig, en Skínandi er með tveimur stigum minna í 6. sæti.

Markaskorarar af urslit.net