"Ég er mjög ánægður. Þessi þrjú stig eru mikilvægust enda hefðum við átt að vera kominn með fleiri mörk. Það skiptir ekki máli hvort ég skori mörkin eða einhver annar," sagði Gary Martin, leikmaður Víkings R. sem skoraði bæði mörk liðsins í 2-0 sigri gegn Víkingi Ó. í kvöld.
Lestu um leikinn: Víkingur R. 2 - 0 Víkingur Ó.
"Ég var kominn aftur á toppinn í kvöld. Ég hef verið að spila á vængnum en fór á toppinn í kvöld og skoraði tvö. Ég er mjög ánægður með það."
Fyrra mark leiksins kom úr vítaspyrnu. "Þetta var augljós vítaspyrna. Ég klúðraði víti seinast en ég var ákveðinn í að taka þessa spyrnu líka og skora."
Hann notaði líka tækifærið og skaut létt á sína fyrrum félaga í KR. "Þessu þrjú stig eru það mikilvægasta í þessu öllu saman, þau koma okkur líka upp fyrir KR í töflunni held ég."
Hann bætti síðan við.
"Mér er svosem sama um KR. Þetta var bara grín. Við þurfum bara að komast eins ofarlega og hægt er. KR er með toppleikmenn og þeir munu komast á skrið."
Athugasemdir