Fyrsta leik kvöldsins í Inkasso-deildinni var að ljúka, en Fram fékk þá Leikni úr Breiðholti í heimsókn.

Gegni liðanna var frekar mismunandi fyrir leikinn í kvöld, en Fram hefur verið góðu róli undanfarið á meðan slíkt hið sama getur ekki verið sagt um Leikni.

Ekkert mark var skorað í frekar döprum fyrri hálfleik, en snemma í seinni hálfleiknum kom fyrsta markið. Markið skoraði Kristján Páll Jónsson, staðan 1-0 fyrir gestina úr Breiðholtinu.


Frammarar náðu hins vegar jafna metin og komast yfir þegar leið á seinni hálfleikinn. Hlynur Atli Magnússon skoraði fyrst með skalla áður en Dino Gavric bætti við seinna marki Fram.

Á síðustu mínútunum fengu tveir leikmenn Fram að líta rauða spjaldið, en það kom ekki að sök og þriðji sigur Fram á tímabilinu staðreynd.