Þeir hjá Copa 90 hafa sett saman lista yfir tíu bestu leikmennina í riðlakeppninni á EM í Frakklandi.
Á listann kemst einn Íslendingur og það er markvörðurinn Hannes Þór Halldórsson.
„Hannes Þór átti magnaða frammistöðu gegn Portúgal og átta vörslur hans í leiknum settu nýtt met í Evrópukeppninni," er meðal þess sem segir í myndbandinu.
Margir miðlar hafa verið að velja í lið riðlakeppninnar og er oftast einn Íslendingur í hverju liði. Það er annað hvort Hannes Þór, Ragnar Sigurðsson eða Kári Árnason sem komast í þessi lið.
Hér að neðan má sjá myndbandið frá Copa 90 í heild sinni, en auk Hannesar komast menn eins og Gareth Bale, Andres Iniesa og Dimitri Payet á listann.
Athugasemdir