Nú er keppni lokið í A-riðli Álfukeppninnar.

Heimamenn í Rússlandi fara ekki lengra í þessari keppni, en þeir mættu Mexíkó í dag. Ekkert annað en sigur dugði Rússum.

Leikurinn byrjaði reyndar vel fyrir þá þar sem Aleksandr Samedov skoraði á 25. mínútu. Forysta Rússa entist ekki lengi því Nestor Araujo jafnaði fimm mínútum síðar og staðan var 1-1 í hálfleik.

Í seinni hálfleiknum skoraði Hirving Lozano snemma og það reyndist sigurmarkið. Yuri Zhirkov, fyrrum leikmaður Chelsea, fékk rauða spjaldið á 68. mínútu og eftir það var erfitt fyrir Rússa að koma til baka í leiknum. Mexíkó landaði sigrinum.

Mexíkó endar í öðru sæti riðilsins á eftir Portúgal sem rústaði Nýja-Sjálandi í dag, 4-0. Cristiano Ronaldo skoraði fyrsta markið úr vítaspyrnu og síðan bættu Bernardo Silva, Andre Silva og Nani við.

Lokatölur 4-0 og það er Portúgal sem vinnur riðilinn. Ronaldo spilaði rúman klukkutíma í þessum leik.