Gunnaugur Jónsson var ánægður með gott útivallarstig í Garðabænum í kvöld. Hann hrósaði leikmannahópi sínum.
Lestu um leikinn: Stjarnan 2 - 2 ÍA
„Þetta er gott stig, við áttum í erfiðleikum með kerfið þeirra sem við þekkjum frá því í vetur þar sem þeir hreinlega yfirspiluðu okkur og það var það sama upp á teningnum í dag. En við tökum skyndiákvörðun í miðjum leik og settum í sama kerfi og það var gaman að sjá að það svínvirkaði," sagði Gunnlaugur en Stjarnan spilaði 3-4-3 í dag.
Skagamenn hafa átt erfitt í byrjun móts en hafa verið að safna stigum í seinustu umferðum
„Við sýnum það bara með góðum úrslitum í undanförnum leikjum og ég vil hrósa leikmannahópnum að halda haus því hún er ekkert smá erfið þessi byrjun okkar og það er svoleiðis neikvæða umræðan um okkur að við getum ekki neitt. Svo það er mikið hrós á strákana að halda haus og halda klefanum ferskum."
Sjáðu viðtalið í heild í sjónvarpinu hér að ofan.
Athugasemdir