Í Kristianstad sigraði Íslendingaliðið gegn toppliði Piteå. Frábær sigur hjá Kristianstad en hin 24 ára gamla Amanda Edgren gerði bæði mörk liðsins í leiknum.

Sif Atladóttir spilaði allan leikinn í vörn Kristianstad, Elísabet Gunnarsdóttir er þjálfari liðsins. Aðstoðarþjálfari er Björn Sigurbjörnsson.

Kristianstad er í þriðja sæti með 15 stig, en á morgun geta Glódís Perla Viggósdóttir og hennar stöllur komist á toppinn með sigri á Linköping, þökk sé Kristianstad.

Tap hjá Gunnhildi í Chicago
Í Bandaríkjunum spilaði Gunnhildur Yrsa Jónsdóttir allan leikinn með Utah Royals er liðið tapaði 2-0 fyrir Chicago Red Stars.

Gunnhildur Yrsa er í lykilhlutverki hjá Utah sem er í sjötta sæti af níu liðum með 17 stig eftir 12 leiki.