„Ég er rosalega sátt með svokallaðan 6 stiga leik, ég er bara stolt af liðinu," sagði Sandra María Jessen fyrirliði Þór/KA eftir 2-0 sigur á móti Breiðablik í dag en hún skoraði bæði mörk Þór/KA.
Lestu um leikinn: Þór/KA 2 - 0 Breiðablik
Leikskipulagið gekk upp hjá Þór/KA í dag.
„Við lögðum upp með skipulagðan og agaðan varnarleik, við ætluðum að leyfa þeim að vera svolítið með boltann og velja svo pressu móment. Það gekk mjög vel upp og við náum síðan að sækja á þær með skyndisóknum."
Sandra María er búinn að skora 7 mörk í 6 leikjum.
„Það er alltaf gaman að skora og maður stefnir alltaf að því að vera meðal þeirra markahæstu."
Pepsí-deild kvenna hefur farið skemmtilega af stað.
„Þetta er rosalega spennandi og skemmtilegt sumar, mörg lið sem eru að koma á óvart í deildinni. Efri liðin að standa sig vel líka þannig þetta verður spennandi fram að síðustu umferðinni held ég."
Þór/KA spilar á móti Val í næstu umferð Pepsí-deildar kvenna á Hlíðarenda.
„Það er bara skemmtilegt verkefni, við höfum oft átt erfitt með þær. Það er ekkert annað í boði en að gíra okkur niður eftir þetta, leyfa okkur að njóta í tvo tíma en síðan er bara fókusinn settur á þann leik. Ég held við séum bara allar spenntar og getum ekki beðið eftir að sá leikur verði flautaður á."
Athugasemdir