,,Það var smá yfirvinna í lokin. Ingvar var eitthvað slappur í markinu og við ákváðum að sleppa því að fara í vító," sagði Atli Jóhannsson leikmaður Stjörnunnar glaður í bragði eftir 3-2 sigur á Motherwell.
Atli skoraði sigurmarkið með stórglæsilegu skoti í slána og inn af 25 metra færi.
,,Svona seint í leiknum fer lítið í gegnum hugann nema koma sér í stöðu og svona. Það kom hlaup frá Pablo sem hljóp út og ég hljóp í hans stöðu. Það fylgir mér enginn og þá er ekkert annað að gera með vindi en að negla honum inn."
Atli skoraði sigurmarkið með stórglæsilegu skoti í slána og inn af 25 metra færi.
,,Svona seint í leiknum fer lítið í gegnum hugann nema koma sér í stöðu og svona. Það kom hlaup frá Pablo sem hljóp út og ég hljóp í hans stöðu. Það fylgir mér enginn og þá er ekkert annað að gera með vindi en að negla honum inn."
,,Ég hélt fyrst að hann hefði farið yfir. Síðan sá ég að Ólafur Karl Finsen brosti út að eyrum og þá var ekkert annað en að finna eitthvað fagn en það gekk frekar illa."
,,Ég held að fólk geri sér ekki alveg grein fyrir því hversu stórt þetta lið er sem við vorum að slá út. Það er gríðarlega sterkt að koma þrisvar til baka eftir að hafa lent undir."
Stemningin hjá Silfurskeiðinni var mögnuð í stúkunni í Garðabænum í kvöld.
,,Algjörlega frábærir. Þegar menn lenda undir þá hætta menn oft að hvetja en það gerðist ekki. Þeir eiga hrós skilið. Þeir hjálpuðu okkur tvímælalaust að koma til baka," sagði Atli.
Stjarnan mun núna mæta pólska liðinu Lech Poznan í þriðju umferðinni.
,,Ég var búinn að bóka miða á þjóðhátíð en það mun breytast eitthvað. Þeir eru með svakalegan leikvang og þetta verður ævintýri."
Hér að ofan má sjá viðtalið í heild sinni.
Athugasemdir