Manchester United spilaði sinn fyrsta leik undir stjórn hollendingsins Louis Van Gaal í nótt. Liðið mætti LA Galaxy og fór liðið á kostum. Van Gaal stillti upp í 3-5-2 en Van Gaal ætlar sér að láta liðið spila þá taktík með 4-3-3 sem varaplan.

Nýju mennirnir Luke Shaw og Ander Herrera byrjuðu leikinn en sá síðarnefndi átti stórleik og var valinn maður leiksins. Þá bar Darren Fletcher fyrirliðabandið.

Leikurinn endaði með 7-0 sigri Man Utd. Staðan var 3-0 í hálfleik þar sem Welbeck kom þeim rauðklæddu yfir og Wayne Rooney bætti svo við tveimur mörkum. Í seinni hálfleik voru það svo varamennirnir Ashley Young og Reece James sem sáu um markaskorunina og skoruðu báðir tvö mörk.

Van Gaal gerði þá níu breytingar í hálfleik en einungis Fletcher og Herrera spiluðu allan leikinn, aðrir einungis hálfleik.

Uppstillingin í fyrri hálfleik var eftirfarandi (3-5-2): De Gea; Smalling, Jones, Evans, Valencia, Fletcher, Herrera, Shaw, Mata; Rooney, Welbeck.

Í seinni hálfleik var hún svo (5-3-2): Lindegaard; Rafael, M. Keane, Fletcher, Blackett, James, Herrera, Cleverley, Kagawa, Young, Nani.