„Við kláruðum þetta á seiglunni," sagði Rúnar Páll Sigmundsson, þjálfari Stjörnunnar, eftir dramatískan 2-1 sigur á Fylki í kvöld.
Hilmar Árni Halldórsson skoraði tvívegis undir lokin og tryggði Stjörnunni sigur.
„Þetta var erfitt í dag. Fylkismenn voru öflugir og spiluðu varnarleikinn feykilega vel. Við fundum litlar sem engar glufur. Þetta er sætt fyrir okkur en sárt fyrir þá að fá tvö mörk á sig í lokin," sagði Rúnar
Hilmar Árni Halldórsson skoraði tvívegis undir lokin og tryggði Stjörnunni sigur.
„Þetta var erfitt í dag. Fylkismenn voru öflugir og spiluðu varnarleikinn feykilega vel. Við fundum litlar sem engar glufur. Þetta er sætt fyrir okkur en sárt fyrir þá að fá tvö mörk á sig í lokin," sagði Rúnar
Lestu um leikinn: Fylkir 1 - 2 Stjarnan
Hilmar Árni jafnaði úr aukaspyrnu en Fylkismenn voru afar ósáttir með þann dóm hjá Valdimari Pálssyni.
„Mér fannst þetta vera aukaspyrna. Það er alveg klárt. Dómarinn átti kannski ekki sinn besta leik. Línan hans var svolítið teygð. Hann dæmdi á eitt en síðan kom alveg eins brot og þá dæmdi hann ekki. Þeir geta verið fúlir yfir dómgæslunni eins og við."
Guðjón Baldvinsson, framherji Stjörnunnar, hefur ekki skorað síðan 12. maí. Er það áhyggjuefni'
„Það er ekki áhyggjuefni. Fyrir þessa umferð höfðum við skorað næstflest mörkin í deildinni. Það er dreifð markaskorun og Guðjón vinnur feykilega vel fyrir liðið. Það er hans styrkleiki. Ef aðrir skora þá skiptir það ekki máli. Guðjón er öflugur leikmaður og góður í sínu hlutverki."
Jeppe Hansen fór í KR á dögunum en Rúnar reiknar ekki með liðsstyrk áður en félagaskiptaglugginn lokar.
„Við sjáum hvernig það fer. Við erum með öflugan hóp og það eru engar pælingar í að styrkja okkur eitthvað frekar," sagði Rúnar.
Hér að ofan má sjá viðtalið í heild sinni.
Athugasemdir