Cesc Fabregas segir að Alvaro Morata þurfi að aðlagast fljótt á Englandi ætli hann sér að taka við af Diego Costa.
Morata kom til Chelsea frá Real Madrid í seinustu viku á metupphæð hjá félaginu. Honum er ætlað að taka við af Diego Costa þar sem Costa mun líkast til fara frá félaginu í sumar.
Costa þykir ekki vera í plönunum hjá Conte á næsta tímabili.
Morata, sem er 24 ára, kom til félagsins fyrir um það bil 70 milljónir punda frá Spánarmeisturunum og eru því miklar kröfur gerðar á þennan unga framherja þegar næsta tímabil rennur upp.
„Þegar þú ert aðalframherji hjá Chelsea þá þarftu að geta barist af hörku í öllum keppnum og ef lið ætlar að ná árangri í öllum keppnum þá þarf það framherja sem skorar helling af mörkum," sagði Fabregas.
Athugasemdir