mán 24. júlí 2017 12:00
Guðmundur Aðalsteinn Ásgeirsson
Koscielny ánægður hjá Arsenal og ætlar ekki að fara
Lífið er gott hjá Arsenal.
Lífið er gott hjá Arsenal.
Mynd: Getty Images
Laurent Koscielny sér ekki ástæðu fyrir því af hverju hann ætti að yfirgefa Arsenal í sumar.

Koscielny hefur verið orðaður við Þýskalandsmeistara Bayern München, sem og uppeldisfélag sitt, Marseille.

Hann er þó ekki á förum, hann vill vera áfram í Lundúnum.

„Þegar ég kom hingað fyrst, þá hugsaði ég ekki um það hvað ég yrði hér lengi - en nú er ég að hefja mitt áttunda tímabil og ég er mjög ánægður með það," sagði Koscielny við Standard.

„Ég er ánægður á hverjum degi, ekki bara í fótboltanum, líka með fjölskyldu minni í Lundúnum."

„Ég er með langan samning við Arsenal og það er engin ástæða fyrir mig að fara eitthvert annað."
Athugasemdir
banner
banner
banner
banner