mán 24. júlí 2017 20:30
Guðmundur Aðalsteinn Ásgeirsson
Myndband: Keita sættist við liðsfélaga sinn
Keita var pirraður á æfingu í dag.
Keita var pirraður á æfingu í dag.
Mynd: Getty Images
Það var pirringur í miðjumanninum Naby Keita á æfingu hjá þýska félaginu RB Leipzig í dag. Ralph Hasenhuttl, þjálfari Leipzig, flautaði í dag af æfingu hjá félaginu eftir ljótt brot Keita á Diego Demme.

Keita er sagður vilja fara til Liverpool en enska félagið hefur verið á höttunum á eftir honum í sumar.

Leipzig hefur hafnað 66 milljóna punda tilboði í Keita í sumar og talið er að það hafi komið frá Liverpool. Næsta sumar getur Keita farið á 48 milljónir punda samkvæmt klásúlu í samningi hans.

Keita var greinilega eitthvað pirraður á æfingu Leipzig í dag, en hann og liðsfélagi hans, Diego Demme, áttust við.

Demme átti hörkutæklingu á Keita á æfingunni. Keita var ekki sáttur og svaraði fyrir sig með hrottalegri tæklingu á Demme, en sá síðarnefndi lá grátandi eftir í kjölfarið.

Hasenhuttl flautaði þá æfinguna af og sendi leikmenn upp á hótel.

Sjá einnig:
Keita pirraður - Æfing blásin af eftir hrottalega tæklingu

RB Leipzig hefur nú birt myndband á Twitter-síðu sinni til að sína að engin illindi séu á milli Demme og Keita.

Hér að neðan má sjá myndbandið.



Athugasemdir
banner
banner
banner