Lið ÍA er fallið úr Pepsi-deildinni
„Þetta var saga sumarsins svolítið í hnotskurn. Flott spilamennska, stelpurnar leggja sig endalaust fram. Þær hafa einhvern veginn alltaf haft von og trú á þessu verkefni en því miður kláraðist þetta í dag,“ sagði Kristinn H. Guðbrandsson, annar þjálfara ÍA eftir 2-0 tapið gegn Breiðablik. Úrslitin þýða að lið ÍA er fallið í 1. deild.
Lestu um leikinn: Breiðablik 2 - 0 ÍA
Lið ÍA lék ágætlega í dag líkt og svo oft áður í sumar og Kristinn var nokkuð ánægður með frammistöðu sinna leikmanna gegn vel mönnuðu Blikaliði.
„Af okkar hálfu var hann nokkuð vel leikinn þannig séð. Við lögðum upp með það að liggja aftarlega og breika á þær. Við fengum ágætis tækifæri til þess en vorum ekki alveg nógu beinskeyttar í þeim efnum. Heilt yfir fannst mér Blikarnir nú sterkari. Meira með boltann og bara betra lið. Það er bara þannig,“ sagði Kristinn meðal annars en hægt er að horfa á allt viðtalið við hann í sjónvarpinu hér að ofan.
Athugasemdir
