Viðar Örn Kjartansson lék allan leikinn er Vålerenga tapaði fyrir Odd Ballklubb með tveimur mörkum gegn einu í kvöld.
Gestirnir í Odd komust tveimur mörkum yfir áður en heimamenn í Vålerenga minnkuðu muninn með marki þegar um það bil tíu mínútur voru eftir.
Viðar Örn lék allan leikinn í liði Vålerenga en tókst þó ekki að komast á blað í kvöld. Hann er auðvitað lang markahæsti leikmaður norsku deildarinnar með 25 mörk.
Odd er í öðru sæti með 58 stig eftir leikinn í kvöld en Vålerenga er í sjötta sæti með 39 stig sem stendur.
Athugasemdir