„Í ljósi þess hvernig leikurinn var þá hefði verið pirrandi að fara heim með jafntefli eða tap," sagði Freyr Alexandersson landsliðsþjálfari kvenna í viðtali við Hilmar Þór Guðmundsson Norðfjörð hjá KSÍ eftir 1-0 sigurinn á Úsbekistan í æfingamóti á Kína í dag.
„Við vorum fín í leiknum. Spiluðum boltanum vel á milli og komumst í fullt af fínum færum. Við erum ekki að taka nógu góðar ákvarðanir á síðasta þriðjungi. Við lentum í þeim fasa fyrir tveimur árum síðan og leiðréttum það," sagði Freyr.
Harpa Þorsteinsdóttir er ólétt og fjarri góðu gamni auk þess sem Margrét Lára Viðarsdóttir hefur verið meidd. Margrét spilaði einungis tíu mínútur í dag.
„Við erum án Hörpu og Margrét er ekki á fullum krafti með okkur. Við erum búin að missa tvo fremstu mennina hjá okkur í burtu. Þó að Margrét sé að reyna þá þurfum við aðlaga okkur. Þetta mót fór aðeins í það. Það er ótrúlega mikilvægt að vera búin að lenda á nokkrum veggjum áður en við förum inn í nýtt ár. Ég er virkilega ánægður með þetta mót hjá okkur."
Hér að ofan má sjá viðtalið í heild sinni.
Athugasemdir