Sigubjörn Hreiðarsson.
Sigurbjörn Hreiðarsson, annar þjálfari Vals, var að vonum svekktur eftir 3-2 tap sinna manna gegn Leikni í Reykjavíkurmótinu í dag.
Valsmenn voru manni færri eftir að Ragnar Þór Gunnarsson fékk að líta rautt spjald strax á 15. mínútu og fannst Sigurbirni liðið spila ágætlega á tíu mönnum.
Valsmenn voru manni færri eftir að Ragnar Þór Gunnarsson fékk að líta rautt spjald strax á 15. mínútu og fannst Sigurbirni liðið spila ágætlega á tíu mönnum.
,,Hvað vorum við, 75 eða 80 mínútur einum færri? Það var bara fínt. Strákarnir voru í skipulagi og stóðu sig vel í því, en við klúðruðum þessu í restina," sagði Sigurbjörn við Fótbolta.net.
,,Það var ágætis hiti í þessu og mikil læti. Mér fannst smá vesen á Leikni dómara, en það er eins og það er. Menn eiga misgóða daga í þessu."
,,Mér fannst við eiga góðan dag þrátt fyrir allt, við vorum að vísu of aftarlega í seinni hálfleik, en það var óþarfi að tapa þessu."
Aðspurður hvað honum fannst um rauða spjaldið sem Ragnar fékk sagði Sigurbjörn: ,,Mér fannst ekkert um það, mér fannst það bara djók. Gerði Ragnar eitthvað? Ég sá þetta ekki, en hann fullyrðir að hann hafi ekki gert neitt. Ég held að þetta hafi bara verið grín, bara leyfa þessu að halda áfram maður."
Athugasemdir
