banner
   sun 25. janúar 2015 13:15
Arnar Geir Halldórsson
Samuel Eto´o til Sampdoria (Staðfest)
Eto´o kominn aftur til Ítalíu
Eto´o kominn aftur til Ítalíu
Mynd: Getty Images
Samuel Eto´o er genginn í raðir Sampdoria eftir stutt stopp hjá Everton.

Eto´o gekkst undir læknisskoðun hjá ítalska félaginu í gær og staðfestir á Twitter síðu sinni að hafa staðist hana. Eto´o verður formlega kynntur fyrir stuðningsmönnum félagsins fyrir leik Sampdoria og Palermo í Serie A í dag.

Sampdoria er í 5.sæti deildarinnar og er stefnan sett á Meistaradeildarsæti en fyrr í mánuðinum keypti félagið Luis Muriel frá Udinese og hefur sóknarlína liðsins því styrkst gífurlega í félagsskiptaglugganum.

Þessi kamerúnska goðsögn staldraði stutt við hjá Everton en Eto´o er orðinn 33 ára og á glæstan feril að baki sem inniheldur lið á borð við Barcelona, Inter og Chelsea.



Athugasemdir
banner