Heimild: ONE
Liverpool datt úr leik í riðlakeppni Meistaradeildarinnar. Arsenal og Chelsea komust lengst enskra liða í keppninni og duttu út í 16-liða úrslitum.
Evrópska knattspyrnusambandið, UEFA, er búið að tilkynna breytingar á verðlaunafé bæði í Evrópudeild félagsliða og Meistaradeild Evrópu.
Í Meistaradeildinni hækkar samanlagt verðlaunafé úr 900 milljónum evra í 1250 milljónir, sem samsvara um 186 milljörðum íslenskra króna.
Í Meistaradeildinni hækkar samanlagt verðlaunafé úr 900 milljónum evra í 1250 milljónir, sem samsvara um 186 milljörðum íslenskra króna.
Hlutfallsleg hækkun er þó enn meiri í Evrópudeildinni þar sem verðlaunafé fer úr 232 milljónum evra í 380 milljónir, sem eru rúmlega 56 milljarðar króna.
Þá verða talsverðar breytingar á dreyfingu verðlaunafésins þar sem knattspyrnufélög fá minni hluta kökunnar fyrir sjónvarpsáhorf sem þau skila inn en stærri hluta fyrir góða frammistöðu, svo sem sigra og jafntefli.
Þessar breytingar hafa það í för með sér að til dæmis ensk félög gætu fengið minna verðlaunafé en áður, vegna þess að þrátt fyrir að skila inn miklu sjónvarpsáhorfi þá hefur þeim gengið illa í keppnunum og dottið snemma út síðustu tímabil.
Athugasemdir
