Zlatan Ibrahimovic hefur verið meira í fjölmiðlum en vanalega síðustu vikur eftir ummæli í garð franskra dómara og þrennu sem hann gerði viku seinna gegn Lorient.
Eftir þrennuna ákvað Zlatan að hann ætlaði að leyfa fótunum að tala fyrir sig til að lenda ekki í vandræðum vegna skoðanna sinna.
Eftir þrennuna ákvað Zlatan að hann ætlaði að leyfa fótunum að tala fyrir sig til að lenda ekki í vandræðum vegna skoðanna sinna.
,,Hlutir sem gerast halda áfram að koma mér á óvart en ég verð bara að halda áfram mínu skriði," sagði Zlatan á fréttamannafundi.
,,Ég verð að halda áfram að spila minn leik og gera eins og í síðasta leik þar sem ég lét fæturna tala fyrir mig, ég leyfi restinni bara að tala sín á milli."
Zlatan, sem verður eflaust í byrjunarliði sænska landsliðsins gegn Moldavíu á föstudaginn, segist ekki ætla að yfirgefa franska boltann í bráð og segir fjölmiðla reyna að draga hann niður af toppnum.
,,Ég er ánægður í Frakklandi. Ef ég væri ekki ánægður hér þá hefði ég ekki framlengt samninginn við PSG. Allir þessir orðrómar eru í gangi vegna þess að fólk vill draga mig niður af toppnum, en þeim mun ekki takast það, ekkert frekar en þér. Ég er ánægður á toppnum og þar ætla ég að vera áfram."
Athugasemdir
