Alaba ekki með í kvöld.
David Alaba, varnarleikmaður Bayern München, mun missa af fyrri leiknum gegn Real Madrid í undanúrslitum Meistaradeildarinnar í kvöld.
Sky í Þýskalandi segir að austurríski landsliðsmaðurinn sé meiddur á fæti og geti ekki tekið þátt í leiknum.
Sky í Þýskalandi segir að austurríski landsliðsmaðurinn sé meiddur á fæti og geti ekki tekið þátt í leiknum.
Markvörðurinn Manuel Neuer, miðjumaðurinn Arturo Vidal og vængmaðurinn Kingsley Coman eru einnig fjarri góðu gamni.
Leikurinn í kvöld verður á Allianz Arena í München og seinni leikurinn á þriðjudaginn í næstu viku.
Hinn fjölhæfi Alaba hefur verið á einstaklingsæfingum í vikunni vegna meiðsla sinna. Rafinha mun væntanlega byrja í leiknum í kvöld en hann hefst 18:45 og er sýndur beint á Stöð 2 Sport.
Athugasemdir
