Real Madrid sigraði Bayern München í fyrri leik liðanna í undanúrslitum Meistaradeildarinnar í kvöld. Leikurinn var í Bæjarlandi og er Real í kjörstöðu fyrir seinni leikinn í næstu viku.

Með sigrinum í kvöld náði Madrídarstórveldið þeim áfanga að vinna sinn 150. Meistaradeildarleik.

Real er fyrsta liðið í sögu keppninnar sem nær þessum áfanga en liðið er það sigursælasta í sögu Meistaradeildarinnar, hefur unnið hana 12 sinnum og núna tvisvar í röð.