Jupp Heynckes hinn þaulreyndi stjóri Bayern München var vonsvikinn eftir 2-1 tap gegn Real Madrid í Meistaradeildinni á þessu skemmtilega miðvikudagskvöldi.
Þetta var fyrri leikur liðanna í undanúrslitum Meistaradeildarinnar en hann fór fram í Bæjaralandi.
Þetta var fyrri leikur liðanna í undanúrslitum Meistaradeildarinnar en hann fór fram í Bæjaralandi.
„Við gáfum þeim þessi tvö mörk," segir Heynckes.
„Hvað var það sem vantaði? Við skoruðum ekki. Það var erfitt að missa Robben og Boateng af velli og svo gáfum við mjög klaufalegt mark fyrir leikhlé. Bæði mörkin voru klaufaleg."
„Við fengum svo mörg færi, þetta var skrítið. Ég hef aldrei séð okkur fá svona mörg færi í undanúrslitum, sérstaklega ekki gegn stórliði eins og Real Madrid."
„Við nýttum færin einfaldlega ekki nægilega vel og við gáfum Real þeirra mörk. Við verðum að gera allt sem við getum til að bæta úr þessu í næstu viku. Það er okkar skylda."
Athugasemdir