mán 25. maí 2015 11:10
Magnús Már Einarsson
Leikmaður Liverpool í ekki lið tímabilsins í Frakklandi
Mynd: Getty Images
Belgíski framherjinn Divock Origi hefur verið valinn í ekki lið tímabilsins í frönsku úrvalsdeildinni hjá L'Equipe.

Origi samdi við Liverpool síðastliðið sumar en var áfram á láni hjá Lille á nýliðnu tímabili.

Origi skoraði átta mörk í 33 leikjum á tímabilinu en hann skoraði ekki í fimm mánuði samfleytt, frá október og fram í mars.

L'Equipe valdi liðið út frá einkunnum í leikjum tímabilsins en Origi var með meðaleinkunn upp á 4,46 og hann fer því í ekki liðið.

Hinn tvítugi Origi mun koma til Liverpool í sumar og leika með liðinu á næsta tímabili.
Athugasemdir
banner
banner
banner
banner