Manuel Pellegrini sagði við fjölmiðla í gær eftir 2-0 sigur gegn Southampton að hann yrði áfram knattspyrnustjóri Manchester City.
„Ég hef ekki haft neinar áhyggjur af minni stöðu, ég er í góðu sambandi við eigendurna og spjalla oft við þá. Þeir hugsa þetta ekki þannig að ef stjórinn vinnur ekki titilinn þá eigi að reka hann," segir Pellegrini.
„Ég hef ekki haft neinar áhyggjur af minni stöðu, ég er í góðu sambandi við eigendurna og spjalla oft við þá. Þeir hugsa þetta ekki þannig að ef stjórinn vinnur ekki titilinn þá eigi að reka hann," segir Pellegrini.
City hafnaði í öðru sæti, átta stigum á eftir Englandsmeisturum Chelsea.
„Við vorum að tapa of mörgum leikjum gegn liðum í neðri hlutanum. Ég er pottþéttur á því að við munum vaxa mikið sem lið á næstu leiktíð."
Búast má við miklum breytingum á leikmannahópi City enda meðalaldurinn orðinn ansi hár.
Athugasemdir