„Sumir segja að Íslendingar eigi að draga úr væntingum sínum og slaka aðeins á. Þið ættuð að láta það eiga sig að dreyma og vera frekar raunsæ. Ég segi til fjandans með það, þannig hef ég ekki upplifað ykkur Íslendinga. Sumir segja að þið séuð í góðum riðli og eigið möguleika á að fara upp úr honum en ég segi vinnið helvítis keppnina!“

Það getur verið erfitt að meta hvort fylgja eigi Moyes eða Carlin að máli, en það er samt ekki úr vegi að grípa tækifærið og kanna fjármálaleg áhrif þess ef Ísland vinnur mótið og jafnvel alla sína leiki.

Til mikils að vinna
KSÍ hefur þegar tryggt sér ríflega milljarð króna með þátttöku sinni á mótinu, en meira er í pottinum ef við náum árangri. Sigur í leik í riðlakeppni skilar 140 milljónum króna og jafntefli 70 milljónum. Fyrir einn sigur mætti greiða allan launakostnað Knattspyrnusambandsins.

Ef (þegar) við komumst upp úr riðlinum tryggir KSÍ sér 210 milljónir til viðbótar, 350 til ef við komumst í 8 liða úrslit og 560 fyrir undanúrslit.

4 milljarðar í kassann
Silfurliðið hlýtur 700 milljónir króna fyrir tapið í úrslitaleiknum en Evrópumeistararnir 1.120 milljónir. Landslið sem vinnur alla sína leiki á mótinu fær því 3.780 milljónir króna í verðlaunafé. Ef við náum þessum ótrúlega árangri má búast við að aðildarfélögin fari fram á að verðlaunaféð verði látið renna til þeirra. Um væri að ræða 25 falda þá upphæð sem KSÍ greiddi í styrki og framlög til aðildarfélaga á síðasta ári. Það myndi sannarlega muna um slíkt!

Höfundur er fræðslustjóri VÍB, sem greinir fjármálahlið fótboltans á www.vib.is/fotbolti