KH 4-4 Stál-Úlfur
1-0 Ellert Finnbogi Eiríksson '5
1-1 Rui Pedro De Jesus Pereira '10
1-2 Ramunas Macezinskas '15
2-2 Arnar Þórarinsson '32
3-2 Hreinn Þorvaldsson '37
4-2 Ellert Finnbogi Eiríksson '42
4-3 Markaskorari óþekktur '65
4-4 Markaskorari óþekktur '80


Einum leik var að ljúka í 4.deild karla eða ástríðudeildinni eins og hún er oft kölluð. KH og Stál-Úlfur skildu jöfn að Hlíðarenda 4-4.

Ellert Finnbogi Eiríksson kom heimamönnum yfir strax á fimmtu mínútu leiksins en Stál-Úlfur var ekki lengi að svara því á tíundu mínútu jafnaði Rui Pedro De Jesus Pereira metin fyrir gestina.

Fimm mínútum síðar komust gestirnir yfir með marki frá Ramunas Macezinskas. Þrjú mörk komin öll með fimm mínútna millibili á fyrsta korterinu. Skemmtilegt það.

Arnar Þórarinsson jafnaði hinsvegar metin fyrir heimamenn þegar að rétt rúmur hálftími var liðinn af leiknum. Hreinn Þorvaldsson kom KH síðan yfir með marki beint úr hornspyrnu áður en að Ellert gerði sitt annað mark og fjórða mark KH í leiknum.

Staðan var því 4-2 í hálfleik en í síðari hálfleik reyndust gestirnir sterkari og tókst þeim að minnka muninn þegar 65 mínútur voru liðnar af leiknum.

Þegar tíu mínútur voru eftir af leiknum tókst Stál-Úlf að jafna leikinn, 4-4 og það reyndust lokatölur.

úrslit og markaskorarar eru fengnir af úrslit.net