Barkley, sem er 23 ára gamall, er uppalinn í Everton og hefur reynst liðinu afar mikilvægur síðustu ár en samningur hans rennur út á næsta ári og hefur hann engan áhuga á framlengingu.

Everton hefur verið í viðræðum við hann um nýjan samning í rúmt ár og ekkert gengið. Félagið bauð honum 100 þúsund í vikulaun sem myndi gera hann að launahæsta leikmanni félagsins en hann hafnaði því.

Nú hefur félagið sætt sig við þá ákvörðun Barkley en ef önnur félög vilja kaupa hann þá þurfa þau að borga uppsett verð eða 50 milljón pund.

Tottenham Hotspur og Manchester United hafa sýnt kappanum mikinn áhuga.

Everton er þegar farið að skoða sig um og gera ráð fyrir að hann yfirgefi félagið en Gylfi Þór Sigurðsson er sterklega orðaður við félagið og er talið víst að hann komi til með að fara þangað í sumar.