„Gunni er veikur heima, hann gat ekki komið með okkur í dag en verður vonandi frískur í næsta leik," sagði Jóhann Bjarnason aðstoðarþjálfari Selfoss eftir 2-2 jafntefli við liðsins við Keflavík í Inkasso deildinni í kvöld en athygli vakti að Gunnar Borgþórsson þjálfari liðsins var hvergi sjáanlegur á svæðinu.
Lestu um leikinn: Keflavík 2 - 2 Selfoss
Selfoss komst tvisvar yfir í leiknum en fékk í bæði skiptin mark í bakið. Var þetta værukærð?
„Nei, alls ekki. Það er einhvern veginn alltaf svona. Þegar maður er nýbúinn að skora missa menn fókus og það var það sem gerðist í dag fannst mér. Mér fannst reyndar brotið á Steina í fyrra markinu en það telur ekkert. Það var frábær seinni hálfleikur og virkilega gaman á vellinum, eins og þetta á að vera."
Guðjón Orri Sigurjónsson markvörður meiddist snemma leiks og haltraði auk þess sem hann gat ekki tekið spyrnur. Var hann ekki hræddur við að halda honum inni?
„Jú við ræddum það í fyrri hálfleiknum og í hálfleik hvað við ættum að gera við hann, en Gaui er sannur eyjamaður og tók það ekki í mál að fara útaf. Þetta er aðeins framan á lærinu á honum, hann verður klár næst."
Nánar er rætt við hann í sjónvarpinu að ofan.
Athugasemdir