Tímabilið hjá United hefur verið undarlegt. Liðið hefur fengið mikla gagnrýni fyrir að spila undir getu en liðið vann þó þriðja titil sinn á tímabilinu í gær.

United vann deildabikarinn og Samfélagsskjöldinn á tímabilinu og eftir 2-0 sigurinn á Ajax í gær þá bættist við Evrópudeildarbikarinn í safnið.

Smalling var spurður út í fagnaðarlæti Mourinho en portúgalski stjórinn virtist yfir sig ánægður með afrekið.

„Hann var alveg í skýjunum. Í öllum ræðunum þá kom aldrei neitt annað til greina en að ná í sigur. Þarna kom stóri sigurinn," sagði Smalling.

„Hann ræddi ekki um hinn möguleikann og það var heldur ekkert í boði hjá okkur," sagði hann í lokin.