fim 25. maí 2017 23:30
Bjarni Þórarinn Hallfreðsson
Southgate: Aðrir leikmenn betri en Rooney
Er Rooney búinn að leika sinn síðasta leik fyrir England?
Er Rooney búinn að leika sinn síðasta leik fyrir England?
Mynd: Getty Images
Gareth Southgate, landsliðsþjálfari Englands tilkynnti landsliðshóp sinn í dag og þar var enginn Wayne Rooney.

„Við höfum marga leikmenn í svipaðri stöðu og Wayne Rooney sem hafa verið að spila virkilega vel," sagði Southgate.

Rooney var ekki heldur valinn í síðasta landsliðshóp Southgate en þá var hann meiddur. Rooney hefur hins vegar ekki spilað mikið á þessu tímabili og aðeins byrjað 15 leiki fyrir Manchester United á tímabilinu.

„Ég sagði í mars að hann þyrfti að spila fleiri leiki. Hann hefur spilað aðeins núna en við höfum leikmenn sem hafa verið að spila virkilega vel í Adam Lallana og Dele Alli. Við höfum einnig Marcus Rashford, Harry Kane er að koma til baka og Jermain Defoe gerði virkilega vel síðast. Þá hefur Jamie Vardy verið í frábæru formi á seinni hluta tímabilsins."

Rooney er markahæsti leikmaður í sögu Manchester United og enska landsliðsins. Þá er hann einnig leikjahæsti útileikmaður í sögu enska landsliðsins.

„Ég get ekki sagt þetta öðruvísi. Aðrir leikmenn eru í mjög góðu formi og eiga skilið að vera í hópnum," sagði Southgate.
Athugasemdir
banner
banner
banner