Walters gerði 62 mörk í 271 leik fyrir Stoke.
Jonathan Walters, sóknarmaður Burnley, mun yfirgefa félagið í sumar eftir aðeins eitt tímabil með Jóhanni Berg Guðmundssyni og félögum.
Walters fékk afar lítið að spila fyrir Burnley og meiddist, en í heildina lék hann fimm leiki fyrir félagið á tímabilinu. Samningur hans rennur út næsta sumar.
Walters fékk afar lítið að spila fyrir Burnley og meiddist, en í heildina lék hann fimm leiki fyrir félagið á tímabilinu. Samningur hans rennur út næsta sumar.
Walters er írskur og verður 35 ára gamall í haust. Hann var keyptur á þrjár milljónir punda í fyrra.
„Ég kom úr meiðslum fyrir nokkru síðan en er aldrei valinn. Það er mjög erfitt, en ég get ekki kvartað því liðið stóð sig frábærlega án mín. Stjórinn veit að ég er klár í slaginn ef hann þarfnast krafta minna," sagði Walters.
„Ég hitti stjórann og við ræddum málin. Samtalið var ekki flókið, ég ætla að finna mér nýtt félag í sumar."
Walters er í írska landsliðshópnum sem mætir Frakklandi og Bandaríkjunum í næstu viku.
„Ég hlakka til að spila fyrir landsliðið. Það er búið að vera mjög erfitt að spila ekki um helgar, ég hlakka til að fá að spreyta mig."
Athugasemdir
