Real Madrid hefur unnið Meistaradeildina síðustu tvö ár en Klopp telur að reynslan þeirra muni ekki skipta miklu máli á morgun.

„Að vera með reynslu er mjög miklvægt og ég held að leikmenn Real Madrid muni vera mun rólegri síðustu sekúndurnar fyrir leikinn en við munum vera. En það er ekkert til að hafa áhyggjur af vegna þess að úrslitin ráðast ekki á þessum sekúndum."

„Við erum búnir að fá tvær vikur til að undirbúa okkur fyrir þennan leik og allt er klárt. Við erum búnir að sjá Real Madrid spila gegn öðrum liðum og hugsað, vá þeir eru góðir. En þeir hafa ekki enn spilað við okkur," sagði Klopp.

„Við erum Liverpool, við erum ekki aðeins gott fótboltalið. Við erum með það í genunum að ætla okkur stóra hluti."